Agroteknikk 2018 - for ein fest!

Store tøffe maskiner, fagleg påfyll og ikkje minst sosial møteplass for landbruksfolk. Agroteknikk hadde det meste. I fire dagar til ende kunne bønder og andre interesserte meske seg i eit mangfald av relaterte tilbod, i den digre messehallen på Lillestrøm.

Programmet var svært variert. Fleire informative foredrag vart helde, eine dagen kom Arne Brimi og fortalde folk over det ganske land om mat og drikke med identitet, medan det hin dagen var politisk debatt. Også motevisning for landbruket, storfeutstilling og livdyrauksjon kunne publikum få med seg.

Sild i tønne laurdagen

Sjølv kor stor hallen på Norges Varemesse er, var det nærast som sild i tønne laurdagen, då det var registrert om lag 14 000 menneske på området i løpet av dagen! Mange familie hadde teke turen, her var noko for både far, mor syster og bror.

Det var fullt i gangane med mange kjekke folk!

Mesterbakeren, som stod for servering av nysteikte kveitebollar som fekk bein å gå på, kunne fortelje at det i løpet av messehelga vart steik og gitt ut om lag 24 000 kveitebollar! Dette føregjekk i Felleskjøpet si avdeling, som var svær i seg sjølv! Ja messehallen er så stor, at det nok er fleire som tenkjer som underteikna, at ein meir enn gjerne skulle hatt rullesko eller kanskje helst Segway å ta seg fram på, berre for å kome seg frå A til B…

Mesterbakeren, som stod for servering av nysteikte kveitebollar som fekk bein å gå på

Vidaregåande skular

Torsdag var det elevar og lærarar ved dei vidaregåande skulane innan landbruk som kom på messe. Ein stor gjeng med frisk og sterk ungdom, som synte stor interesse for vegen dei velde med å gå Landbruksskule. Dei er håpet, dei er framtida! Dei er motivasjonen til vidare drift for mang eit bruk!

Desse tøffe jentene er elevar ved Tomb Vidaregåande Skule. Her på besøk i Agrilogg sin stand

Underhaldning på kveldstid

Ved Fjøsteltet og AgroScenen var messefolket torsdag kveld samla til mat, underhaldning og sosialt samvær, der flott countrymusikk av Linda Kvam med band strøymde ut, og laga god stemning!

Flott countrymusikk av Linda Kvam med band, underheldt torsdag kveld på AgroScenen

Nokre hadde endåtil teke «dresskoda» på ramme alvor... Er det Landbruksmesse, ja då er det fjøsdressen som gjeld!

Ei ekstraordinær moteoppvisning! Alle mannekengane viste seg å vere dyktige songarar og showartistar, i tillegg til å vise fram aktuelle klede for landbruket, fekk publikum eit show utan like! Her var det trøkk og tæl på samtlege

Takk for engasjementet!

Agrilogg hadde eigen stand under messa - vi fekk mykje besøk. Det er svært hyggeleg med den store interessa rundt verktøyet!

Mange av dei som allereie er brukarar av Agrilogg kom innom for å dele innspel til vidare utvikling, medan andre fekk demonstrasjon av systemet, og fatta interesse for å teste ut vidare ved å få seg ein brukarprofil ein månad gratis.

Vonleg kan Agrilogg gjere kvardagen til endå fleire bønder enklare!

Takk for glede og samvær på Agroteknikk 2018!