Frå venstre: Anders Brødreskift, Nils Morten Buan, Jostein Wemunstad
- Kvardagen som bonde består av mykje variasjon, ingen dag er lik. Det varierer mellom kontorarbeid, arbeid både med fjøset, i fjøset, arbeid på åkerane og ute på beita.
- Eg er oppvaksen på gard, så interessa for gardsarbeid kom ganske fort og naturleg. Etter kvart som eg blei eldre fekk eg hjelpe til meir og meir på garden. Eg fekk hjelpe til med blant anna å hesje, arbeid i silo, og etter kvart som beina rakk ned til pedalane fekk eg også køyre traktor. Eg har odel på garden, så planen var alltid å ta over garden då faren min skulle pensjonere seg - det gjorde han i 2016. Før eg blei bonde jobba eg som ingeniør ved Fosen Yard skipsverft.
Slått på bøane i Indre Fosen
- Eg startar i fjøset klokka 7 om morgonen og held på i cirka 3 timar. Vi har kyr i fire fjøs så det er ikkje mangel på arbeid på garden. Samstundes held vi på å byggje på eit av fjøsa slik at vi kan klare oss med berre to fjøs. Etter arbeid i fjøsa et eg frukost. Om sommaren dreg et ut på teigane og driv med spreiing av kunstgjødsel og slått. Om ettermiddagen tek eg turen inn i fjøsa igjen og er der til ut på kvelden. Det blir fort 12 timars lange dagar.
- Den økonomiske delen av å drive gard er noko av det vanskelegaste fordi utgiftene er svært høge. I Trøndelag er vi også prega av mykje nedbør så ein må arbeide mellom regnbyene for å få unna arbeidet.
- Dei modulane eg brukar mest er slått, jordbearbeiding, gjødsling og kalking, sprøyting, notat og datablad.
- Eg brukar modulen slått under slåtten. Då kan eg legge inn både raking og pressing av rundballar samtidig som eg fører antall. Modulen for gjødsling og kalking er også flittig brukt under arbeidet.
- Eg synest det er kjempeflott! Kjekt å sleppe haugevis med bøker - og ikkje minst at alle oss tre i samdrifta kan registrere arbeidet på ein og same plass.
Under slåtten, flate bøar og utsikt mot Trondheimsfjorden
Arbeid på jordet
