No må ein velje språk ved første innlogging. Språk kan også velgast frå hovudmenyen
No har vi kome i mål, og etter grundig testing føler vi oss trygge på at de som brukarar skal få gode opplevingar med Agrilogg, enten de brukar nynorsk, bokmål eller engelsk.
Har du folk som jobbar for/saman med deg? Då bør du tenkje på å ha eit fleirbrukarabonnement.
Fordelar med eit fleirbrukarabonnement er at registreringar som dei andre i firmaet gjer blir lagra i deira sitt namn. Du som administrator har full oversikt over kven som har registrert ulike jobbar.
Eksempel: Ola lagar 100 rundballar som skal leggast i produksjonslageret. Når han legg dei inn i eit rundballelager vil det i loggen på det valgte rundballelageret kome fram at det var Ola som la dei inn. Seinare er Ola ute på eit beitetilsyn og tilsynet vert registrert i Beitemodulen. Då kan dei andre brukarane i abonnementet sjå kva han har gjort og når han har gjort det.
Altså: Har du fleire brukarar i abonnementet, vil du kunne sjå kven som har registrert kva, og når dei har registrert det.
Ein annan fordel med fleirbrukarabonnement er at arbeid som skal utførast kan registrerast i Oppgåve-modulen, og her kan ein legge inn kven som skal utføre arbeidet og når det skal vere utført. Den som skal utføre arbeidet får opp eit varsel i sin Agrilogg om at han/ho har ei oppgåve som skal utførast. Når vedkomande har utført arbeidet kvitterer han/ho ut og oppgåva legg seg inn i historikken. Smart - og full oversikt.
I HMS-modulen kan ein i vernerunder legge inn kven som har ansvar for å lukke eit eventuelt avvik, og vedkomande vil då få ei påminning om at dette skal utførast. Når det er utført, kvitterer vedkomande ut avviket.
I eit fleirbrukarabonnement kan du i Fakturagrunnlaget no også i filteret velje både kunde og brukar. Du får dermed fram nettopp dei dataane du ynskjer. Ynskjer du for eksempel å sjå kva Ola har registrert av snøbrøyting for kunde X, så legg du det inn i filteret.
Her har vi belyst nokre av fordelane med eit fleirbrukarabonnement. Det viktigaste er altså at du har oversikt over kven som registrerer kva - og at du enkelt kan gje/få beskjed gjennom Agrilogg.
Snart vil du som administrator/eigar av abonnementet kunne velje kven som skal ha tilgang til kva. Tilgangskontrollen vil vere på modulnivå.
I bondeprofilen for november tok vi ein prat med FB Samdrift AS. Dei er fem karar som held til på Sæbø i Ørsta kommune (Møre og Romsdal) - like under dei ragande, spektakulære Sunnmørsalpane. Dei driv med produksjon av mjølk og storfekjøt.
Les bondeprofilen for november 2019 her.
